البوابة
أحدث الصور
غايتي حفظ كتاب الله الثلاثاء سبتمبر 06, 2011 2:04 pm
[size=16]هلا انا موزه عمري 18 سنه الحين بعرفكم على اهلي
ابويه (ابو سالم )
اميه متوفيه (ام سالم )
اختي العوده عواش (عايشه ) 20
اخوي العود سالم 22
محمد وحمد 13 توم
ميثة 11
هذي عايلتي و العايلات ألاثانيه بتعرفونها مع الوقت
كما تعرفون أميه ميتة بس أميه ماتت بمرض أسرطان قبل بسنه
يوم عرفنا انه أميه مريضه بسرطان وكانت في مستشفى وانا شاله البيت على راسي الين ما توفت اميه وانا البيت على راسي
حتى اختي عواش شاله ادينها من الموضوع مهم بتي الحداث وبتعرفون
الخميس
في بيت ابو سالم
حجرت موزه
كل عاده حد يدق باب حجرتها ساعه 8
طخ طخ طخ
موزه
من هذا الي يدق من صباح الله خير
طخ طخ
موزه : شوه من يدق
ام خلفان عمت موزه خت ابو سالم :فجي شو مرقدنج لين الحين
موزه اف من هذي العمه وتقوم تفج الباب : هاه شو السالفه شو عندكم ؟
ام خلفان : حشى شو هذ ارقاد ؟
موزه : شو حشى توها الساعه 8 صبح وبعد ما تقوميني من صباح الله قومي العوده عواش
ام خلفان : هيه هذا الي ناخذه منج السان الطويل
موزه شو هذي البلشه من الصبح ما ويحينا دوم حطه حطايطها عليه : امري عمتيه تدللي شو تبين اسويلج اكنس ولا اطبخ
ام خلفان : مب منج من الي ياي يقولج اشهايد اليوم
موزه نسيت اقولكم ترني ثنويه عامه كلي ثقه : مب اليوم
ام خلفان :شدراج عيل عفرا ميته من خوف وقاللها ربيعتها انه اشهايد اليوم
موزه اه مالت عليج وعلى بنتج مادني بنتها لانه دوم انا ويها نقير خقاقه مادري شيفه عمرها علينا ترا انا ما هتم في الدراسه بس هـ سنه شديت حيلي ودرست دراسه عشان اقهر عمتيه وبنتها
موزه: عمتيه مب اليوم دقيت حق الوزاره و قالو يوم الاحد
ام خلفان : شعنه ما تقولين حق عفرا!!؟ حليلها متروعه
موزه : مادري نسيت "
ام خلفان: انزين زين ابوج وين؟
موزه شدراني ؟ توني قايمه
ام خافان : انتي ولسانج الطويل خليني اشوف ابوج لخبره عنج
موزه : سوي الي تبينه
ابو سالم : موزه شوه هذي الحشره ؟؟
ام خلفان : بنتك لسنها طويل يبلها قص
موزه: حشى ما يرزا علينا تره دوم حاطه حطايطج عليه ترا محد سد البيت غيري دام لساني طويل مالي خص في شي وقومي عواش بدال ماتصدعوني
وسرت عنهم و دخلت الحمام اغسل ويهي لنه العمه خوزت ارقاد من عيوني صدعة راسي حشى محد يروم يرتاح في هلـ البيت دوم هلـ العمه موجوده من توفت اميه تبا تسوي عمرها راعية لبيت نزلت عشان التريق وايب شهادة ميثه واقول حق اعمي ابو رشد يب شهادة محمد وحمد نزلت لقيت ابويه والعمه قاعده عنده : سلام عليكم
وقعة ما وحيت يلست ام خلفان :سلمي على بوج سقد البنات الحين ما فيهن مذهب
موزه : عمتيه شو فيج عليه تراني شفته ابويه وسلمت عليه الصبح
ام خلفان :شقايل شفتيه الصبح وانا توني مقومتنج
موزه تراني قمت اتخبر عن الشهايد ولقيته وسلمت عليه
ابو سالم : ههههههههه انتن ما تخلصن من انقير هاه ام خلفان اخبار عفرا متروعه من انتيجه انشالله تيب نسبه زينه
بدت تمدح بنتها مالت عليها
ام خلفان وحليلها متروعه ولا يينها رقاد تحسب الشهايد اليوم
ابو سالم : انشالله تيب نسبه زينه وترفع راسنا
موزه جني مره يحسبوني بيب نسبه في القاع الكل غاسل ايده مني لني مالي خص في الدراسه بس هسنه ربي يشهد اني درست دراسه انشالله بيب نسبه بخليهم ينصدمون : ابويه بسير ايب شهادت ميثه وفاطمه بنت عمي محمد (ابو راشد) وبقوله ايب شهايد محمد واحمد وهو رايح يب شهادت ولده سالم
ابو سالم : برايج بنتي
رحت اتلبس عباتي طرشت و الطرشة الخدامه تزقر الدريول عشان يسير بيت عمي بكون هناك ( على فكره بيوت عمومتيه كلها عدال بعض واليدران متلاصقه ) رحت بيت عمي ابو ارشد
هيه افراد بيت عمي ابو راشد هم :
عمي محمد الي هوه ابوراشد
وام راشد
راشد الولد العود 26
خالد 22
شيخوه 19
احمد 13
رحت الميلس عمي ابو راشد سيده ادري عمي بكون هناك وسلمت عليه
ابوراشد: هلا ببنتي علومج
موزه بخير عمي هاه شيخوه شو موعنج من صبح
شيخوه :عليه موعد اسنان انتي وين سايره يايه بعباتج
موزه : ماقلتي منشرد انا وانتي
شيخوه طالعتني منصدمه كيف اقول هذا الكلام قدام ابوها
_(ترا عفكره شيخوه ربيعتي روح بروح )
ابو راشد : ههههههههه انتي ما تخلين هذي سوالف عنج
موزه : ههههههههههه طاه شكلها مبلقه عيونها
ابوراشد: هاه وين سايره
موزه : سايره ايب شهايد ميثه وفاطمه وانت عمي سير تيب شهادة سالم يب شهايد احمد ومحمد
ابو راشد : انشالله ... وبن ابوج
موزه : بعد عند من غير عمتيه ترها مقومتنيه من صبح تخبر عن شهايد بنتها عفرا
ابو راشد : هيه ثنويه عامه انشالله تيب نسبه زينه انتي ويها
موزت : انشالله انا سيره تبون شي
ابو راشد : سلامج
موزه : مع سلامه
طلعت وطلعت وراي شيخه من الميلس نتريا الدريول
شيخه : ها شو نفسيه حق نفسيه حق نسبه
موزه : عادي حاسه بيب نسبه زينه وبغلب عفرا
شيخه : هههههههه هيه ترا الكل متوقع عفرا تيب نسبه زينه
موزه : ادري والكل متشمت في البيت والكل ادري متوقع ولا متكد أنها بتيب نسبه أعلا عني بس إنا أدرست دراسة بس عشان اغايظبها
شيخه : هذى الي فالحه فيه مغايض
موزه: ههههههه انزين يالله بسير يعله يا شيخوه دكتور يجلع ضروسج كلهن ههههههههههه
شيخة : عنبوج زاد
واربع واركب اساير شارده من شيخة
موزه : خان سير مدرسه ميثه
االدريول : انزين
وسرت يبت شهايد
شيخه
في طريق رايحه مستشفى الاسنان
ساعه 9
تجمع العايلة اليوم كل خميس يتلايمون اصراحه مالي بارض على حد بس انا فرحانه لنه اخوي راشد بيي من ابوظبي من شهر ما شفناه يعابل الشغل
ابو راشد :هاه وين سرتي
شيخه : لا ما شي بس اليوم الخميس الكل بتلايمون صح
ابو راشد : هيه تراه كل الخميس يتلايمون عندنا
شيخه : هيه راشد بي اليوم من زمان ماي
ابو راشد : هيه عني فداه الشغل ماخذ كل وقده
شيخه: غريبه مب من عوايده
ابو راشد : هيه تراه هازبتنه امج امس هههههههه
شيخه: هيه ثره اراس العود مرمسنه
ابو راشد : ههههه تراه تبا تخطــبله
شيخه : والله من إلي بتخطـبوله
ابو راشد : بعدنا مناخذ شوره
شيخه: هيه زين عيل
مشينا لدربنا في المستشفى وانا افكر من بخطبوله لراشد الى اعرفه والكل في هذي العايله انه موزه وعفرا بنات عمومتيه هههههههه
اميه تبا عفرا لنها شاطره وتعدل ودلوعه و مستويه بنت
وابوي يبا موزه لنه هيه دوم وياه و تسولف والى على قلبها على لسنها وجيه اميه ما تبها لنه لسنها طويل بس الى ما يعرفونه انه موزه دووم تقول انه دوم تقول جملتها المشهورة
((( انا ماريد اخذ حد من العايله انا ماريد أعرس )))
هههههه الله يعين راشد اذا خذ عفرا
اصراحه انسانه ممله جدا
راشد
في ابوظبي
مكتب راشد
هلا انا راشد عمري 26 شتغل في شركة العايلة اهلي في العين بس الشغل كله في ابوظبي اسكن راوحي في بيت العايله في ابوظبي اوه صح مب روحي عندي طباخ ههههههه ضحكو الحين لنه بعدين ما بتضحكون عندي لني انسان جدي ماحب لفو ولا دوران عملي احب اشغل وايد اري في البنات بنت مودبه غير مزعجه يعني لسنها طويل مادني البنات جيه ابا بنت تدلع هاديه نفسي راعيه بيت مهم
إنا الحين في الشركة أوقع عشان السير العين وارضي الوالدة
راشد : ها خلصت
محمد : حشى ما ورا عليك تراني من ساعه اترياك مب اوراق
راشد : شو اسوي بسير العين اليوم
محمد : انزين بتغدى وبتسير
راشد: زين يالله
محمد: غريبه ساير العين
راشد : شو اسوي اميه زعلانه عليه
محمد : افا ليش
راشد : من شهر ما شفتهم ولا يتهم
محمد : هيه انزين كل اجازه سير
ارشد : يابوك ما يخلص
محمد : في هذي صدقت
في العين
موزه
في البيت روحي ملانه ادور في البيت تقول شبح ابويه راقد واحمد ومحمد عند سالم ولد عمي
وميثه تهذرب في التلفون ويا ربيعتها تخبرهن عن شهايد والأخت وخوي سالم يحوط عند راباعته ولأخت العودة تهذرب ويا نسيب على موبايل ترا عواش بتعرس شهر 7 وبفتك منها وبتاخذ ولد خالي اسمه ذياب بروح ازعجها دخلت الحجره بقوه
موزه : لحقي لحقي
عواش : شو شومستوي
موزه : ابويه اليوم الصبح يالس ترمسع العمه تقول اجل عرسكم
عواش : ليش وذياب ويها فتلفون يقول ليش
موزه: عطني ذياب برمسه
شليت تلفون
ذياب : اعرفج جذابه
موزه: هيه صح كلامك
وعواش مب فاهمه شي
ذياب : شو شكل عواش
موزه : شوي بتصيح ايه اجذب
عواش :مالت عليج
ذياب : هههههههه انتي عقلي عطني ارمسها
موزه: دوج ذياب يبا يكلمج
عواش: مابا يطنز عليه أنتي وياه قولي له برمسه في العرس
موزه: سمعت ذياب تخرط ختيه ما تروم ما ترمسك
ذياب : هههههه ادري
موزه : ايه خذي اتلفون ولا ببند
ذياب : افا اهون عليج
موزه : اسكت انتة تراني اصلح الموضوع
ذياب: هيه
موزه : دوج قبضي
تاخذ عواش اتلفون وتطلع عواش موزه من الحجره
موزه اف شو هذ الملل بروح اشوف الخدامه سوت الخدامه الوفوله
عشان توديهمبيت عمي
دخلت المطبخ
موزه : شو هذا ليش ما حطت الفطاير في الجبه
من غبائي مسكت اصنيه الفطاير بدون فوطه وحرقت ايدي كفي كامل
موزه: اخ اخ حرقني
دخلت الخدمه
الخدمه : شو هذا انتي ليش امسك
موزه : اخ انا حسبته بارده صينيه
خدامه : حطي ماي
موزه : اخ يحرق بسير العياده زقري الدويل
رحت حجرتي طيران لبست عباتي ورحت اقول حق عواش
عواش : شو مستوي بيدج
موزه : احترقت بصينيه
عواش : لايكون مسكتيها بلا فوطه
موزه: هيه حسبتها براده
عواش : انزين لابسه عباتج وين رايحه
موزه : وحده ايدها محترقه وين بتسير العين مول مثلا
رايحه العياده بعد وين
عواش : انزين باي
رحت ركبت اسياره بدون ما خبر ابوي
ما بقولون شي لني دوم اطلع روحي يوم اشتري سمان البيت واوني عاقل ههههه ادري نكته
[/size]
