البوابة
أحدث الصور
عابر سبيل الإثنين ديسمبر 12, 2011 12:15 am
في غيابي يامة
بتبصي للصورة وتبكي
وتقولي اااه يانا ياولدي
لا تبكي يامة ولا تشكي
انا مت يامة عشان بلدي
وانا بين رصاص الموت يامة
وبين نيران الدبابة
شفتك بتدعي وتقولي
الطف يا رب داحنا غلابة
واختي البريئة الامورة
عمالة تحضن في الصورة
ودموعها غسلت فستانها
بتنادي عشمانة فردي
وسمعت صوت الله اكبر
والدم حواليا اتفجر
حطيت ايدي علي زنادي
وقلت ابدا يا بلادي
عمري ما حشرب من دمعك
لو دمي راح يملا الوادي
بصيت ورايا لقيت خاين
والغدر فعنية كان باين
ما قدرتش اتفادي رصاصة
عريس وبالدم اتحني
خاطب حورية من الجنة
مين غيري يامة يندهلك
كان كل املي اني ارجعلك
واخدك في حضني وتحكيلي
في غيابي يامة اية حصلك
مهما الدموع حتكون مرة
لكن فدا مصر الحرة
لكن فدا القدس الحرة
والعزة دي لو يوم راحت
مين غيرنا يامة يرجعها
لا تقولي يابني وياضنايا
ولا تبكي لو تاخدي عزايا
دي مصر في قلوبنا حكاية
دي القدس في قلوبنا حكاية
والكل لازم يسمعها
عارفك اكيد يامة مسامحة
وحتقري لضناكي الفاتحة
واختي الحزينة المكسورة
حتشوفني في اول صفحة
وتعيش فرحانة بالصورة
لو عايزة يامة تزورينا
قبورنا ماليا تراب سينا
قبورنا ماليا اراضينا
ومصر عاشت محروسة
والقدس عاشت محروسة
والجنة دي فرحت بينا
والجنة دي فرحت بينا
ربنا يحميك
