البوابة
أحدث الصور
عابر سبيل الأربعاء ديسمبر 07, 2011 12:24 am
انا بن الجنوب
مش عاشق حروب
انا بن الجنوب
بحب البلدي
وعاشق سماها
وعاشق ترابها
وبعشق صمودها
في لحظة تحدي
وساعة الغروب
بحبك يا مصر
ياوردة كل عصر
ياللي انتي بجمالك
شاغلة القلوب
بحبك يامصر
وبحب نيلك
دا اللي بيدوقة
تاني بيجيلك
وفيكي بيدوب
انا بن الجنوب
قنا الاقصر اسوان
جنوبنا اللي هو
زهرة البستان
واقول كمان
وصوتي يسمع
كل الدروب
انا بن الجنوب
انابن البلدي
بلد المداين
بلد الحضارة
نورها مناره
ونورها اللي باين
بيسحر قلوب
انا بن الجنوب
جنوب المحبة
جنوب الطيابة
سامعني يابة
انا مغرم صبابة
في عشق البلدي
وفيها بدوب
ياما قال فيها صلاح جاهين
علي اسم مصر التاريخ
وكلكم عارفين
يقدر يقول ما شاء
انا عندي مصر احب
واجمل الاشياء
بحبك يا بلدي
وفيكي بدوب
انا بن الجنوب
