البوابة
أحدث الصور
فكرت أكتب عن اللي جوايا
يمكن قلمي يخف بكايا
لكن للأسف لقيته ساكت
مش قادر حتى يوصف أسـايا
قولت ياقلمي احكي وقول
خلي قلبي يشوف النور
قالي قلمي مش قادر احكي
ولو حكيت !! الحكي هايطول
قولتله أحكي وخرج جرحي
يمكن حرفك يمحي ملامحي
يمكن دموعي تهدى شوية
يمكن حتى يقرب فرحي
يبدأ قلمي يحكي آلامي
تنزل دموعي تمحي كلامي
أكتب كلمة !! تنزل دمعة
تغير شكل الكون قدامي
يرجع قلمي ويسكت تاني
مش قادر يوصف أحزاني
مش عارف حتى يهدي بكايا
ولا قادر يعيش حرماني !
أرجع تاني وأفكر اكتب
يرجع قلمي مني يتعجـب !
ويقولي جرحك محدش حاسه
غـير رب الكـــــون
وده فـــرجه قــريب
بقلمي الخاص (22/6/2014)
