منتديات اسامة لتجمع الشباب العربي التقدمي

اهلا وسهلا في منتديات اسامة

حياك الله بيننا ونتمنى ان يسعدك منتدانا..

اضفت نورا جديدا على منتدانا

كلنا لهفة وشوق لرؤية مواضيعك المفيدة..

وكلنا امل بأن يحوز منتدانا على رضاك واعجابك ..

بانتظار ابداعاتك على صفحاته ..

فاهلا بك مرة اخرى

منتديات اسامة لتجمع الشباب العربي التقدمي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات اسامة لتجمع الشباب العربي التقدمي


Get


    انا زعلاااااااان حاسس رمضان ضاع مني ( الحل هنا )

    نورسين
    نورسين

    الجنس : انثى
    الحالة الاجتماعية : متزوجة
    الموقع : الاسكندرية
    الهواية : القراءة والمطالعة وسماع الموسيقى
    المزاج : الحمد لله على كل حال
    عدد المساهمات : 327
    نقاط : 577
    السٌّمعَة : 10
    تاريخ التسجيل : 16/04/2012

    الاوسمة
     :  

    انا زعلاااااااان حاسس رمضان ضاع مني (  الحل هنا  ) Empty انا زعلاااااااان حاسس رمضان ضاع مني ( الحل هنا )

    مُساهمة  نورسين في السبت أغسطس 11, 2012 5:59 am




    رسائل سريعه وجدتها
    أحببتها وأتمنى أن لاتفوتكنّ الفائدة
    ولاننسى الدعاء لكاتبها وناشرها بارك الله فيكم
    *******************
    اللقطـه الأولى
    *******


    من بداية رمضان وأنا مقصر ومعملتش إللى كان نفسى أعمله فى رمضان ...

    أنا كل ما أعرف أصحابى وصلوا لفين فى القرآن يجى لى إحباط ..
    وأتهم نفسى بالتقصير...

    نصف رمضان خلص وأنا لسه همتى فى العباده مش عاليه ...

    ...
    كنت بدعى ربنا يبلغنى رمضان ..بس لما بلغنى رمضان قصرت جداً فى العباده ..

    ...

    (((كلنا عندنا الأفكار دى ..وبنقولها لنفسنا ليل نهار..خصوصاً مع إقتراب أنتهاء رمضان...

    بس على فكره ...

    العبره فعلاً بالنهايه ...

    ياما ناس بدأوا فى أول رمضان جامدين ,,بس للأسف أسبوع ووقعوا وماكملوش ...

    والله العظيم العبره بالخواتيم ...

    ...

    وخواتيم شهر رمضان العشر الأواخر..

    إللى فيهم ليلة القدر ..

    ...

    وزى ما علمونا

    (ليس العبره بمن سبق..إنما العبره بمن صدق)

    العبره مش بللى سبقوا ..لااا دى العبره بللى صدقوا مع الله ,فوفقهم لطاعته ...

    ..

    اجمد كده ..وإبدأ من دلوقتى حالاً ..

    افتح المصحف ...حتى لو مكنتش قرأت ..إبدأ إقرأ
    ووالله ربك هايفتح عليك ..

    لو ماشاركتش فى إفطار صائم
    إبدأ من دلوقتى ..
    وإن شاء الله تشترى علبة تمر وتقسمه وتحط كل 3 تمرات فى كيس
    ووفت الفطار انزل وزع ع الناس إللى فى الشارع
    وياابختك بثواب إفطار الصائم ...

    لو مكنتش وصلت رحمك ..
    ارفع سماعة التليفون حاالاً على أقاربك ..ولا امسك موبايلك
    وابعت لهم رساله حلوة تحنن قلبهم عليك..

    ...

    شد حيلك من دلوقتى ..عشان ربك يكافئك ويوفقك لليلة القدر
    ولدعاء وعمل صالح فيها ..

    **************************​*******************

    اللقطــه الثّانيـه:
    *********

    حاسس إني ضيعت كتيــــــــــــــــر .. حاسس أن رمضــــــــان ضاع مني
    اللي حوالية ختم مرة واتنين وثلاثة .. وأنا لسه في الختمة الاولي
    واللي بيصلي ب 1000 أية واللي بيستغفر كتير واللي بيفطر الصائمين واللى بيتصدق واللى بيوزع كتيبات ومطويات دعوية
    ...
    وانا في الضياع .. مش عامل حاجة خلاص ...
    ورمضان قرب يخلص وانا مش عارف أعمل إيه ؟

    أنا مخنووووووق قوي .. شيطان واتحبس ..
    يبقي هو العيب فيه ..
    أنا اللي وحش ..

    دا حال ناس كتير قوي مننا .. شايف الناس بتجري لربنا ..

    وهو واقف يتفرج ويتحسر علي نفسه .. واقف يبكي وزعلان ونفسه يبقي مع الناس دي .. كان نفسه قوي ربنا يشوفه من أوائل الناس اللي بتجري دي

    عارفين مشكلته إيه ؟

    مشكلته أنه واقــــــف .. مش بيتحرك زعلان وخلاص

    أنت دلوقتي إيه اللي يمنعك إنك تجري مع الناس دي؟

    مش عارف مش قادر وحاسس إني عمري ماهقدر ..

    مش عارف إيه إحساساتك الكتيرة دي .. كل شويه حاسس حاسس

    طب لما انت بتحس قوي كده .. واقف متنح ليه ؟

    واقف ليه في مكانك ومش راضي تتحرك .. إنت مش مش قادر

    لأ .. إنت مش عاوز

    لا والله حرام عليك يا اخي إحسن الظن دا إحنا في شهر كريم

    إديك قولت بنفسك شهر كريم .. وربنا أكرم يا اخي .. يعني إنت ممكن تسبق الناس دي كلها لربنا

    ياسلااااام .. قولي إزاي ؟

    ماشي ياسيدي هاقولك .. بس إدفع

    اللهم صلِّ وسلم علي رسول الله

    ماانت شاطر وبتصلي علي النبي أهو ..

    إحنا هنتفق مع بعض علي شوية حاجات كده .. مش إنت زعلان وندمان

    - أيوه

    طب قول ورايا ..

    يارب أستغفرك وأتوب إليك
    يارب أستغفرك وأتوب إليك
    يارب أستغفرك وأتوب إليك

    قولها بقلبك .. يارب أنا تبت .. تبت ومش هاعمل كده تاني .. ومش هاتاخر تاني .. تبت يارب من الغفلة .. تبت وندمان والله

    خلاص بقي .. نشوف هانفذ التوبة دي إزاي .. لسه فاضل أيام باقين تقدر تعمل فيهم كتير قوي

    دا إنت ممكن تختم القرآن مرتين كمان على الأقل .. غير الختمة الطويلة قوي اللي انت فيها دي

    ياسلام .. إزاي ياعم أنا علي قد حالي مقدرش

    يا بني إنت مش تبت

    ماحنا قولنا بلاش مش قادر .. تقدر إنت مش كنت بتذاكر وتخلص الكتاب في تلات إيام

    القران أسهل مليون مرة .. تنويها إن شاء الله نية لله تختم القران كل خمس إيام .. يعنى ل يوم 6 أجزاء بعد كل صوه جزء وبعد التراويح جزئين ايوه يا عم الليل طويل لحد الفجر ماشاء الله إنوى انت بس وهتقدر ان شاء الله الموضوع بسيط

    ده سيدنا عثمان بن عفان ختم القران في ركعة أوتر بها عند الكعبة .. وصحابة كتير ختمه القران في ليله .. الموضوع موضوع همه وحب

    بتحبه ولا لأ ؟

    دي أول نقطة .. إتفقنا

    ماشي هاجاهد نفسي إن شاء الله



    * تاني حاجة ياسيدي .. انت ممكن كل ليلة تكتب من القانتين

    مين ده .. أنا ؟!!!!!

    أيوه انت .. بإنك تصلي ب100 آيه

    كتير قوي 100 آيه دول دا انا بصلي التروايح في الجامع بالعافيه

    أنت حافظ سورة تبارك ؟ ..

    ايوة الحمد لله

    طب كويس .. حافظ سورة النبأ ؟

    أيوه الحمد لله حافظها

    طب كويس قوي .. دا انت قربت تختم ماشاء الله صورة

    طيب حافظ سورة عبس

    انا الحمد حافظ جزء عم كله

    طب كويس قوي نعمة وفضل من الله

    عارف بقى سورة تبارك وعم وعبس دول أكتر من 120 آيه

    ياسلام ..

    شوفت .. عشان تعرف أنه الموضوع سهل .. اهو صلي بالسور دي تكتب كل ليلة ان شاء الله من القانتين ،

    وتيجي إن شاء الله في اليوم اللي هتختم فيه اللي هو بعد تلات إيام
    تروح تصلي بجزء عم وتبارك .. دول 1000 ايه عشان تكتب من القانتين

    ماشي خلاص لحد كده كويس



    * تالت حاجة ياسيدي ..عاوزك تستغفر ربنا كتير قوي

    حدد لنفسك ساعة في اليوم تستغفر فيها 1000 مرة وتصلي علي النبي شوية وتسبح ربنا شويه .. تعملك قد 5000 كده

    وطبعا في حاجات أساسية زي السنن وصلاة الضحي واذكار الصباح والمساء

    ومتنساش جلسة بعد الفجر لغاية الشروق .. دي بقي كنز ثمين قوي .. في رمضان وغير رمضان وخساااااااااارة يضيع منك

    المشكله اني ببقي نعسان قوي بعد الفجر..

    يابني جاهد نفسك شويه .. روح صلي في الجامع وقولها بعد الصلاة .. لقيت نفسك نعست .. خلاص اطلع كملها في الشارع .. الموضوع مش نافع خلاص زي بعضه هاسمحلك تقعد علي النت ساعة .. بس ساعة واحدة بس

    نعم .. هو انا مش هاقعد علي النت غير ساعة واحدة بس

    ليه انت فاكر الناس اللي بتجري لربنا دي عندها وقت تتضيعه علي النت ؟!!!

    يابني دا سيدنا عمرو بن العاص كان لما بيمسك المصحف يبكي ويقول
    شغلني عنك الجهاد .. مش النت

    خلاص هجاهد نفسي

    ربنا يرزقك فيها ثواب حج وعمرة .. وكمان الارزاق توزع في الوقت ده
    وعجبا لمن يقسم رزقه وهو نائم .. الموضوع ممكن يبقي صعب في الاول بس بعد كده هتلاقي نفسك اتعودت .



    * آخر وصيه يابني اللي ممكن تخليك تجري لربنا جري

    هاقولك علي باب مش هتلاقيه فيه كتير وممكن يوصلك بسرعة

    باب الانكسار لله جل وعلا ..

    إكسر نفسك بين إديه .. ذل نفسك ليه

    إستشعر معني كلمة عبد

    كان في واحد إسمه بشر الحافي .. الراجل دا كان عاصي

    في يوم من الايام من الايام مر ببيته رجل .. فسمع صوت المعازف

    فطرق الباب .. خرجت له الجاريه فسألها صاحب هذا البيت عبد أم حر ؟

    فقالت بل حر .. قال نعم حر فلو كان عبد لتأدب بأدب العبودية مع سيده .. ثم انصرف

    فسأل بشرٌ الجارية عن الطارق .. فأخبرته

    فأسرع ورائه حافـيــــــــــا .. قال أعد علي ما قلت .. فأعاد الرجل مقولته

    قال بل عبد بل عبد .. وبقي بشر الحافي العالم الجليل

    ذِلّ نفسَك و أظهر الافلاس لله جل وعلا

    قوله محتاجك قوي يارب ماتسبنيش .. سامحني يارب مليش حد يسامحني واقبلني

    مد إيدك وقوله إكرمني يارب .. انت الملك ومليش حد يمن عليّ غيرك

    اسجد سجدة طوييييييييلة وقول له : يارب أنا عصيتك كتير ، وبعدت عنك كتير ، فأمهلتني وأكرمتني ولم تأخذني بذنوبي ، يارب راجعلك متسبنيش وخد بإيدي ، سجد لك سوادي ، وآمن بك فؤادي ، هذي يدي وما جنيتُ على نفسي

    رباااااااااه أغلقت الابواب إلا بابك .. فأين لي بملجأ إلا أنت

    نفذ زادي وقلت حيلتي وجئتك بك .. يامن لا يرد تائب ناداك..

    ربنا يكتبنا وإياكم من عتقائه من النار .. ويجعلنا وإياكم من المقبولين

    ˙۩˙•٠•● •٠• ˙۩˙•٠•● •٠• ˙۩˙•٠•● •٠•˙۩˙•


    منقول



    نورسين


    انا زعلاااااااان حاسس رمضان ضاع مني (  الحل هنا  ) C62b0086
    wediam
    wediam

    العمر : 30
    تاريخ الميلاد : 23/08/1990
    الجنس : انثى
    الحالة الاجتماعية : آنسة
    الموقع : https://www.facebook.com/AlaslamMnhajHyat
    الهواية : تصفح الكتب القديمة
    الابراج : العذراء
    المزاج : متقلب
    عدد المساهمات : 58
    نقاط : 120
    السٌّمعَة : 24
    تاريخ التسجيل : 22/07/2012
    العمل/الترفيه : طالبة

    انا زعلاااااااان حاسس رمضان ضاع مني (  الحل هنا  ) Empty رد: انا زعلاااااااان حاسس رمضان ضاع مني ( الحل هنا )

    مُساهمة  wediam في السبت أغسطس 11, 2012 8:42 am

    فعلا أختي نورسين هذا حال الكثير منا نكتفي بالأماني بينما غيرنا يتسابق إلى الطاعات

    نسأل الله أن يصلح حالنا و يعيننا على طاعته و حسن عبادته

    مشكورة على طرحكِ المتميز و تقبلي مروري البسيط

    انا زعلاااااااان حاسس رمضان ضاع مني (  الحل هنا  ) Post-102912-1318106486



    لآ يفترضُ ، بنا أنْ نعشق لنكُونَ الأسعد في هذِهِ الحياھ .. لأن الأصدقاء ...قد يمنحونا سعاده تفوق سعَادھ آلعشّاقْ أحيآناً.
    admin
    admin

    الجنس : ذكر
    الموقع :
    الهواية : لاعب تنس ارضي وعمري ما لعبت((تفاخر بالكدب))
    المزاج : مزاجي رائع
    عدد المساهمات : 2610
    نقاط : 3856
    السٌّمعَة : 327
    تاريخ التسجيل : 22/11/2010
    العمل/الترفيه : موظف

    الاوسمة
     :

    انا زعلاااااااان حاسس رمضان ضاع مني (  الحل هنا  ) Empty رد: انا زعلاااااااان حاسس رمضان ضاع مني ( الحل هنا )

    مُساهمة  admin في السبت أغسطس 11, 2012 12:11 pm

    الله يباركلك يا اختى ام مؤمن ويزيدك ويحفظلك اسرتك.عدم الرضا عن النفس هي غاية كل مجتهد رغبته متقده ليكون افضل.اللهم اجعلنا واياك من العتقاء لهذا الشهر وممن يبشرون بطيب وريحان ورب غفور عفو غير غضبان.

    اللهم امين
    انا زعلاااااااان حاسس رمضان ضاع مني (  الحل هنا  ) 135898_1201307579



    انا زعلاااااااان حاسس رمضان ضاع مني (  الحل هنا  ) 306554822

      الوقت/التاريخ الآن هو الإثنين أكتوبر 26, 2020 7:48 am