البوابة
أحدث الصور
نورسين الخميس أغسطس 09, 2012 6:44 amقبل الفطار بساعة
اقف في المطبخ حائرة بين الاواني والاكواب وهاهي ابنتي الصغيرة دنيا تسألني مرة اخرى
ماما فاضل اد ايه؟
حبيبتي فاضل ساعة انتي ممكن تسبقينا وتفطري المدفع بتاع الاطفال الصغيرين بيضرب بدري
دنيا : لأ انا عايزة افطر معاكم
طيب روحي العبي وكمان شويه المدفع حيضرب
دنيا: حاضر ماما
يجي حماده ابني الكبير ماما ماما
عايز ايه
حمادة :عمو محمود البواب بيقولك هاتي الزباله
طب تعالى خدها يا حماده اديهاله عشان انا مش فاضية
ثم اقف متسمرة في مكاني واتساءل انا كنت عايزة ايه ؟ انا كنت عايزة ايه ؟
اه الثوم
ياحمااااااااده ناولني اربع فصوص توم من البلكونه
حمادة : يوووووو هو كل حاجه حماده حماده
فيرد زوجي قوم يا ...... اللهم اني صايم قوم يا ولد واسمع كلام امك وهات اللي هي عايزاه وبلاش قلة ادب
حمادة : حاضر
دنيا : ماما فاضل اد ايه
فاضل نص ساعة
حماده : التوم
شكرا يا حبيبي
حماده: بابا بيقولك متنسيش تعملي قمر الدين
قول لبابا ماما عملته واهو محطوط في التلاجة
حمادة : انا حاروح اقعد ع الفيسبوك شويه لحد اما المدفع يضرب
كده الملوخية خلاص وادي الفراخ والارز تمام
حماااااااااااااادة تعالى خد الاطباق وحضر السفرة معايا
حمادة: يا ماما ثانية واحدة بس حاكل البقر والارانب
ارانب ايه؟ يا حماده وبقر ايه؟
حمادة : دي المزرعة السعيدة بتاعتي يا ماما
قوم بأه يابني ساعدني خلاص فاضل عشر دقايق
دنيا : ماما انا عايزة اشرب عطشانه لسه كتير؟
لا خلاص حبيبتي فاضل حبه صغيرة انا مبسوطه انك النهارده صمتي اليوم كله
حماده: ماما انا حطيت الاطباق وقمر الدين
زوجي : الله تسلم ايدك الاكل شكله حلو اوي، هو المدفع ضرب ولا لسه
خلاص حيضرب اهو
دنيا : ماما انا شربت بق ميه صغير عشان انا كنت عطشانه بس انا لسه صايمه صح؟
حماده: طبعا لا ههههه فطرتي
دنيا : لا انا صايمه
خلاص يا حبيبتي مش مهم انا قلتلك ان الصغيرين اللي قدك ممكن يفطروا بدري شويه
وانطلق مدفع الافطار وسمعنا صوت الاذان
زوجي : فين الميه؟
نظر الى حمادة وقال : عارف قوم يا حماده جيب الميه .. حاضر
بسم الله الرحمن الرحيم اللهم اني لك صمت وعلى رزقك افطرت
تسلم ايدك الاكل حلو اوي يا ماما
بالهنا والشفا يا حبايبي
اقف في المطبخ حائرة بين الاواني والاكواب وهاهي ابنتي الصغيرة دنيا تسألني مرة اخرى
ماما فاضل اد ايه؟
حبيبتي فاضل ساعة انتي ممكن تسبقينا وتفطري المدفع بتاع الاطفال الصغيرين بيضرب بدري
دنيا : لأ انا عايزة افطر معاكم
طيب روحي العبي وكمان شويه المدفع حيضرب
دنيا: حاضر ماما
يجي حماده ابني الكبير ماما ماما
عايز ايه
حمادة :عمو محمود البواب بيقولك هاتي الزباله
طب تعالى خدها يا حماده اديهاله عشان انا مش فاضية
ثم اقف متسمرة في مكاني واتساءل انا كنت عايزة ايه ؟ انا كنت عايزة ايه ؟
اه الثوم
ياحمااااااااده ناولني اربع فصوص توم من البلكونه
حمادة : يوووووو هو كل حاجه حماده حماده
فيرد زوجي قوم يا ...... اللهم اني صايم قوم يا ولد واسمع كلام امك وهات اللي هي عايزاه وبلاش قلة ادب
حمادة : حاضر
دنيا : ماما فاضل اد ايه
فاضل نص ساعة
حماده : التوم
شكرا يا حبيبي
حماده: بابا بيقولك متنسيش تعملي قمر الدين
قول لبابا ماما عملته واهو محطوط في التلاجة
حمادة : انا حاروح اقعد ع الفيسبوك شويه لحد اما المدفع يضرب
كده الملوخية خلاص وادي الفراخ والارز تمام
حماااااااااااااادة تعالى خد الاطباق وحضر السفرة معايا
حمادة: يا ماما ثانية واحدة بس حاكل البقر والارانب
ارانب ايه؟ يا حماده وبقر ايه؟
حمادة : دي المزرعة السعيدة بتاعتي يا ماما
قوم بأه يابني ساعدني خلاص فاضل عشر دقايق
دنيا : ماما انا عايزة اشرب عطشانه لسه كتير؟
لا خلاص حبيبتي فاضل حبه صغيرة انا مبسوطه انك النهارده صمتي اليوم كله
حماده: ماما انا حطيت الاطباق وقمر الدين
زوجي : الله تسلم ايدك الاكل شكله حلو اوي، هو المدفع ضرب ولا لسه
خلاص حيضرب اهو
دنيا : ماما انا شربت بق ميه صغير عشان انا كنت عطشانه بس انا لسه صايمه صح؟
حماده: طبعا لا ههههه فطرتي
دنيا : لا انا صايمه
خلاص يا حبيبتي مش مهم انا قلتلك ان الصغيرين اللي قدك ممكن يفطروا بدري شويه
وانطلق مدفع الافطار وسمعنا صوت الاذان
زوجي : فين الميه؟
نظر الى حمادة وقال : عارف قوم يا حماده جيب الميه .. حاضر
بسم الله الرحمن الرحيم اللهم اني لك صمت وعلى رزقك افطرت
تسلم ايدك الاكل حلو اوي يا ماما
بالهنا والشفا يا حبايبي
