البوابة
أحدث الصور
admin الإثنين ديسمبر 26, 2011 6:35 am
يامسندي قلبي على الدوم يطريك ×× ماغبت عن عيني وطيفك سمايا
هذي ثلاث سنين والعين تبكيــك ×× ماشفت زولك زايرآ يا ضنايا
تذكر حياتي يوم أشيلك وأداريك ×× والاعبك دايم وتمشي ورايا
ترقد على صوتي وحضني يدفيك ×× ماغيرك أحدآ ساكنن في حشايا
وليا مرضت أسهر بقربك واداريك ×× ماذوق طعم النوم صبح ومسايا
ياما عطيتك من حناني وابعطيك ×× تكــبر وتكــبر بالامل يا مـنايا
لكن خسارة بعتني ليش وشفيك ×× وأخلصت للزوجة وأنا لي شقايا
أنا أدري أنه قاسية ما تخليك ×× قالت عجوزك ما أبيها معايا
خليتني وسط المصحة وأنا أرجيك ×× هذا جزا المعروف وهذا جزايا
ياليتني خــدااامةً بين أياديك ×× من شان أشوفك كل يوم برضايا
مشكور ياوليدي وتشكر مساعيك ×× وأدعي لكم دايم بدرب الهدايا
حمدان يا حمدان أمك توصيك ×× أخاف ماتلحق تشوف الوصايا
أوصيت دكتور المصحة بيعطيك ×× رسالتي وحروفها من بكايا
وأن مت لاتبخل علي بدعاويك ×× أطلب لي الغفران وهذا رجايا
وأمطر تراب القبر بدموع عينيك ×× ما عاد ينفعك الندم والنعايا
هذه القصيده سلمها الطبيب مع جثة الام للابن العاق الذي رضخ لرغبة زوجته بالتخلص من امه في احد دور العجزه.الرجاء ممن امهاتهم على قيد الحياه اغتنم الفرصه وقبل يدها واما من رحلت امه فيعمل لها عملا يرضيها في مماتها.
