البوابة
أحدث الصور
عابر سبيل الثلاثاء ديسمبر 06, 2011 8:37 am
صرخة شهيد
كل يوم بسمع ياناس
صرخة شهيد
كل يوم بينقطع مني الوريد
علي صرخة الطفل الوليد
كل يوم بتضيع امالي
في يوم جديد
كل يوم بيكون سؤالي
اية اخرة الصمت الشديد ؟
وكل يوم بيموت شهيد
ووراه شهيد
واية اخرة كلمة سلام ؟
وعنينا مش قادرة تنام
واخواتنا بيعانوا الالام
من ظلم ومعاملة عبيد
دا كل يوم بسمع ياناس
صرخة شهيد
صرخة بسمعها فمنامي
بتصحي كل جروح الااامي
بتقولي قوم وامسك سلاحك
دا الاقصي فحاجة لكفاحك
قوم دا الاقصي بينادي
قوم وانقذ ولادي
وارفع راية بلادي
حتي لو حتموت شهيد
لاجل ما يعيش الوليد
ويطلع الفجر الجديد
ويعيش سلام
كان فداه دم الشهيد
كان فداه دم البطل
رمز العروبة
اللي ابتدا مشوار كفاحة
برمي طوبة
واللي ماخافش من السلاح
واللي داق طعم الكفاح
وكلة هان لاجل القضية
القدس هتفضل عربية
قدسنا هتفضل ابية
رغم اللي حاصل
واللي واصل لابعد مدي
بكرة الضلال دا راح يزول
ونشوف شروق شمس الهدي
وترجعي تاني يا فلسطين
وما اسمعش فيكي صوت انين
وولادك يكبرو في خيرك
والاقصي ما يكونش لغيرك
ساعتها هحس بالسعادة
وبحياة سكر زيادة
وترجع البسمة تعيد
فرحة ام الشهيد
على قصيده 
